Makroekonomiak
herrialde bateko ekonomia aztertzen du. Bere helburua
da ekonomiaren funtzionamendu orokorra ulertzea eta,
aldi berean, jarduera ekonomikoaren maila ezagutu eta bere garapenean
eragitea.
Makroekonomiak helburu zehatzak finkatu eta politika makroekonomikoa
diseinatzea ahalbidetzen dion funtsezko aldagaien azterketa egiten du,
besteak beste, inflazioa, langabezia, nazio produktuaren hazkundea, defizit
publikoa eta truke tasa.
Inflazioa |
Gizarteari
ekartzen dizkion onurak edota kostuak aztertzen ditu eta, era berean,
hartu beharreko konponbide eta ondorioak ere. |
Langabezia |
Lan
merkatuak pairatzen dituen desorekak, hala nola, langabezi tasa
handiak aztertzen ditu eta horiek murrizteko hartu beharreko neurriak
proposatu. |
Nazio produktu
hazkundea |
Makroekonomiak
ekoizpenaren hazkundearen arrazoiak aztertzen ditu. Ekonomia nabarmen
hazten denean, lanpostu asko sortzen dira eta ongizatea orokortu
egiten da. Ekonomia hazten ez denean, ordea, kontrakoa gertatzen
da eta depresiora iritsi daiteke. |
Defizit publikoa |
Gastu
eta diru sarrera publikoen arteko aldea neurtzen du, sektore publikoaren
jardueraren oreka edo desoreka maila erakutsiz. Defizita handia
denean, sektore publikoaren finantza beharrizanak handiak izango
dira eta horrek interes tasak gora bultzatuko ditu, inbertsio pribatuaren
kaltetan. |
JARDUERA: Joan zaitez
INE web orrira eta bila itzazu azken datuak:
|
1.
Nazio produktua
Makroekonomiak
ekonomiaren funtzionamendu orokorra ezagutzeko zenbait kontzeptu erabiltzen
ditu. Jarduera ekonomikoaren neurketa nazio kontabilitatearen
bidez egiten da eta osagai adierazgarriena nazio produktua
da.
Nazio produktua ekonomia batek epe jakin batean ekoiztu duen guztiaren
balio osoa neurtzen du. Horretarako metodo zuzenena hauxe da: urtean zehar
zerbait ekoiztu duten enpresa guztiak aztertu, ekoiztutakoaren balioa
kalkulatu eta bere emaitzak batu. Baina, metodo hori ezin da horrela erabili,
zenbait salgai behin baino gehiagotan zenbatuko baikenituzke. Hau horrela
gertatuko litzateke produktu asko etapa desberdinetatik igarotzen direlako
ekoizpen prozesuan (bitarteko ondasun bezala) eta behin baino gehiagotan
saltzen dira azkeneko erabiltzailearengana iritsi baino lehen.
Hau gerta ez dadin bi aukera ditugu: bata, ekoizpen fase bakoitzaren
balio erantsia kalkulatzea
da eta, bestea, kontsumora bideraturiko azken produktuen balioa batzea
da.
Nazio produktua, epe
batean, oro har urtebete, ekonomia batek sortutako amaierako ondasun
eta zerbitzu guztien balioa da.
BALIO
ERANTSIA = OUTPUT – INPUT
ENPRESA
GUZTIEN BALIO ERANTSIA = NAZIO PRODUKTUA
|
Esan behar
da nazio produktuak ez dituela kontutan hartzen merkatuaren bitartez egiten
ez diren jarduerak: etxeko andreek egindakoa, norberak egindako
lana eta legez kanpoko jarduerak.
2. Euro korronte
eta euro kostantea: deflaktatzea
Nazio produktua
urte betean ekoiztutako ondasun eta zerbitzuen guztizko balioa
da, hau da, hainbat kopuru (ondasun + zerbitzuak) haien prezioekin biderkatzearen
emaitza. Baina prezioak urtetik urtera aldatzen direnez, nazio produktua
prezio korronteetan edo prezio konstanteetan adieraz daiteke.
Ondasun ezberdinen prezioak proportzio ezberdinetan
aldatzen direnez, hauen aldaketa orokorra zehaztu behar da. Honetarako
prezio indizeak erabiltzen dira.
Deflaktatzea gaur egungo diruari inflazioaren
ondorioz galdutako balioa kentzea da (urtebeteko epean). Adibidez: iaz
5 €ekin zinera joan zintezkeen, baina aurten sarrera berak 5,20€
balio du %4ko inflazioa egon delako. Orduan 5,20 € deflaktatzen badugu
5€ bihurtzen dira.
JARDUERA:
Joan zaitez
INE web orrira eta kalkulatu zu jaio zinen urteko 1.000 pzta.
zenbat euro izango liratekeen orain? |
Nazio
produktua hiru ikuspuntutik azter daiteke: Ikus
grafikoa
-
Ekonomia
batek epe jakin batean eta ekoizpen sektore ezberdinek ekoiztutako
ondasun eta amaierako zerbitzuak
-
Etxeko
ekonomiek, enpresek, sektore publikoak eta gainerako guztiek egindako
ondasun eta zerbitzuetako gastuen batura.
-
Guztizko
kostuen edo ekonomiaren ekoizkin osoari ekarritakoagatik faktoreei
ordaindutako errenten fluxua: soldatak eta mozkinak.
3.
Barne produktua eta nazio produktua
Nazio
hitzak, herrialdean nahiz atzerrian dauden ekoizpen faktoreek
lortutako ekoizpenaren balioa adierazten du.
Barne hitzak aldiz, herrialde batek
egiten duen ekoizpen jarduerari deritzo, erabilitako ekoizpen baliabideen
jabeak nongoak diren kontutan hartu gabe. Beraz, barne produktua
herrialde baten mugen barnean, urte betean ekoiztutakoaren guztizko
balioa da.
Nazio
produktu gordina (NPG) honela definitzen da: barne produktu
gordina (BPG) ken herrialdean bizi diren atzerritarrek lortutako
errentak (BAE) gehi herrialdekoek atzerrian lortu dituzten errentak
(HAE).
NPG
= BPG – BAE + HAE |
Barne produktu
gordinaren osagaiak honakoak dira merkatu prezioetan:
BARNE
PRODUKTU GORDINA: BPGmp = K + I + G + S - N |
Kontsumo
gastu pribatua (K) |
Etxeko
ekonomien beharrizan arruntak asetzera bideraturiko gastuak. |
Inbertsio gastuak (I) |
Kapital
finkoko ondasunak erostera bideraturiko gastua. |
Gastu publikoa (G) |
Sektore
publikoak ondasun eta zerbitzuetan egindako gastua. |
Esportazioak (S) |
Kanpora saltzen diren
ondasun eta zerbitzuak. |
Inportazioak (N) |
Atzerrian
egindako ondasun eta zerbitzuen erosketak. |
Adibidez, BPG merkatu
prezioetan kalkulatzeko osagai hauek kontabilizatu beharko genituzke:
- gure kontsumoa: jantziak, janaria,
turismoa,...
- gure inbertsioa: etxebizitza,
enpresa baten akzioen erosketa,....
- inbertsio publikoa: udalak egindako
errepide berria, gobernuak egindako trenbidea,...
- esportazioak: gure enpresek atzerrian
saltzen dituzten makinak.
- inportazioak: guk erosten ditugun
produktuak kanpoan diru fluxu negatiboa eragiten digute.
JARDUERA:
Bila itzazu zure lurralde eta autonomia erkidegoko BPG azken
bi urtetan. EUSTAT |
5.
Ezkutuko ekonomia: diru beltza
Ezkutuko
ekonomiak ogasunaren aurrean aitortzen ez diren jarduera ekonomiko guztiak
izendatzen ditu. Bi jarduera mota desberdindu daitezke: legez
kanpokoak, adibidez, drogak eta sozialki desiragarriak diren
zerbitzuak ere baina zergak ordaindu gabe burutzen direnak, hala nola,
igeltsero baten aparteko orduak. Adibidez: ezkutuko ekonomiako enpresa
batek edozein ondasun edo zerbitzu sortuko ditu, langile guztien alta
eman gabe, edota BEZa ordaindu gabe....
Funtsean arrazoi justifika ezinengatik gizarteak baztertzen dituen langileekin
garatzen da. Langile hauek legez kanpo kontratatzen dira (ez zergarik,
ez zama sozialik, ez soldata duinik....).
Ekonomia beltzak eragiten dituen ondorioak honakoak dira:
-
Langile
edo enpresarien gizarte babesik eza, Gizarte Segurantzan inskribaturik
ez daudelako.
-
Lan
istripuak izateko arrisku handiagoa, enpresek ez dutelako segurtasun
nahiz higiene araurik betetzen.
-
Lan
orduen iraupen luzeagoa eta soldata txikiagoak.
-
Sarrera
publikoen beherakada, ezbaitira ez zerga zuzenak ezta zeharkakoak
ere ordaintzen.
-
Enpresa
hauen ondasun nahiz zerbitzuak erosten dituztenen babesik eza.
Mundu osoan, lan baldintza
hauek pairatzen dituen talde sozial handienak emakumeak, etorkinak eta
haurrak dira.
6. Errenta
eta ondarea
Pertsonen egoera ekonomikoa
euren errentaren eta aberastasunaren
arabera neurtzen dugu. Hau da, pertsona bat aberatsa dela esaten dugunean,
pertsona horrek dituen ondasunak aipatzen ditugu (etxea, automobila, eta
abar). Bi kontzeptu hauek desberdinak dira baina biek osatzen dute pertsona
baten aberastasuna.
Era berean, gizarte baten
gaitasun ekonomikoa identifikatzeko, gizarte horrek sorturiko produkzioa
edo errenta eta pilaturiko kapitala hartzen ditugu kontutan.
Aberastasuna
eta errenta desberdindu beharreko kontzeptu ekonomikoak
dira:
Aberastasuna |
Aberastasuna
denboran pilatu egiten da eta aldi berean, garai
bakoitzeko errenta sortzen laguntzen du.
Alderdi mikroekonomikotik begiratuz, aberastasuna
gizabanakoen edo enpresei buruzkoa izan daiteke. Alderdi makroekonomikotik
berriz, herri edo eskualde bati buruzkoa izan daiteke. |
Errenta |
Errenta
denbora aldi jakin batekin lotu behar da, gehienetan. urte
betea. Errenta produkzio faktoreen ordainketarekin parekatzen
da (lana eta kapitala) edota urtebetean sortzen diren ondasun nahiz
zerbitzuen balioarekin. |
Aldi berean,
errenta mota desberdinen aurrean aurki gaitezke:
Familien
errenta |
Produkzio
faktoretzat jasotzen dutena izango da, hau da, lan eta euren aktiboen
(kapitala) ordainketa. |
Norberaren
errenta |
Pertsonek
lortzen duten nazio errentaren zatia da. Nazio
errentatik enpresek banatzen ez dituzten mozkinen gaineko zergak
eta enpresek Gizarte Segurantzari ordaindutako kotizazioak kendu
eta pertsonek estatutik jasotzen dituzten transferentziak gehituz
lortzen da.
Norberaren errenta erabilgarria, norberak daukan
errentatik gasturako erabilgarri dagoena da. Norberaren errentari
pertsonek ordaindutako zerga zuzenak kenduta lortzen
da. |
Nazio
errenta |
Herrialdeko
ekoizpen faktoreek (langile, enpresari, nekazari..) jaso eta kontsumora
edo aurrezkira bideratzen duten guztizko errenta da.
Ekoizpen faktoreek
eskainitako zerbitzuak ordainketen truke egiten dira. Funtsean
lau mailatan sailka daitezke:
-
Soldatak
eta alokairuak: lan zerbitzuen truke jasotako ordainketak
dira.
-
Lurraren
errentak: lurrak emandako zerbitzuen arrazoiez jasotako
ordainketak dira.
-
Interesak
eta mozkinak: kapital zerbitzuengatik jasotako ordainketak
dira.
-
Transferentziak:
sektore publikotik datozen ordainketak dira.
Nazio
errenta guzti hauen batura eginaz lortuko dugu.
|
NE
(Y) |
Y
= soldatak eta alokairuak + lurraren errentak + interesak eta mozkinak
+ transferentziak |
NE
(Norberaren errenta) |
NE
= Y- enpresek banatu gabeko mozkinak - mozkinen gaineko zergak -
enpresek gizarte segurantzari ordaintzen dizkioten kuotak + estatuak
etxeko ekonomiei egindako transferentziak |
NEE |
NEE
= NE - Zuzeneko zergak |
|